ڨولولها

ڨولولها يا للاّ

يا مدرّڨا الليعات تحت الخلّه

زعمه نشوفك ولاّ

تسكن في جاشي ألف علّه و علّه

زعمه نشوف لحافك

يا محنّيا بالضيمْ روسْ أطرافك

يا ويل منهو ينحدرْ منْ كافكْ

سامورو يلهبْ ينْكوي بالسّلّه
يا موشّما على جبيني

شوڨي شراعك)و بالبحر ناسيني

تحرم عليّ سنيني

لا يوم نعشڨ غير سمْحْ الطّلّه

زعمه نشم بخوركْ

و زعمه نهار تزورني ونزورك

كلّ ما نْجَبّي شُوركْ

نلڨا حيوطكْ عاليه و تتعلاّ

ڨولولها ياناري

من صغري صابر في الدّرَكْ نْداري

الناس عيّدت عيدينْ ماني داري

مازلت نرْجا في طلوعْ الهلّه

23 septembre 2013, 13:07